A falsária sensaçom de benestar social nos concursos de tv

concursante Tenho que reconhece-lo, gosto dos concursos televisivos com contido cultural, desses que fam perguntas de certo nível; mas tamém, ás vezes, adoito perde-lo tempo com outra caste de concursos onde as perguntas giram maiormente sobre a programaçom da canle em questom ou sobre artistas e deportistas de elite, ou sobre cançons de nula qualidade artística e muita promoçom discográfica. Mesmo participara no de Cifras e Letras da galega onde tocou-me de contrincante o maior ganhador da história desse concurso na Galiza, Fer, um professor de autoescola de Cangas que permaneceu 95 programas e contra quem perdim irremediávelmente sem chegar a fazer o ridículo.

Mas ao que ia: depois de vissionar várias vezes diferentes concursos cheguei a umha conclusom inapelável: a gente que passa os castings tem que ter trabalho ou estar estudando e seu anseio mais iminente é ir-se de viagem a terras exóticas ou mudar de carro ou pagar-se uns másteres universitários. Case nunca verás a umha pessoa em situaçom de parada (nom sendo que essa circunstância vinhera a posteriori de passa-lo casting).

A sensaçom que da escutar a que se adicam as concursantes e em que pensam gastar o ganho é que toda a sociedade vivemos em situaçom de pleno emprego e de ter as nossas necessidades mais básicas totalmente satisfeitas. Nom vos vou pedir que o comprovedes, quanta menos tele vejais melhor para vossas mentes, pero se algum dia vos vedes diante dum televisor que está emitindo um concurso, vos animo a que prestedes atençom a esta circunstância.

A mim só se ocorre umha razom: as empresas que realizam estes concursos participam da manipulaçom dos médias e interesa dar umha imagem de que todas temos emprego e que os nossos únicos sonhos som estar tirada numha praia dum hotel nom importa onde, sempre que seja longe e o lugar tenha certa sona.

Assim que se pensades ir a um concurso a ver se vos quitades umhas pelas, melhor que no casting digades que tendes um emprego fabuloso e muitas ganhas de viajar. É só um conselho, mas nom tendes porque segui-lo.

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s