Recolho esta informaçom do site “Quepasanacosta”:
“Nom tinhamos pensado faze-la pero houvo moita gente que nos pediu que a organizáramos” dim @s tran@s. Tráta-se da sexta ediçom do Caminho dos Faros que começará esta fim de semana em Malpica (sábado pre-etapa e domingo ruta).
O Caminho dos Faros está em pleno processo de homologaçom como sendeiro de Grande Percorrido. O dia que isso se consiga, a ruta passará a ser propriedade dos concelhos polos que discorra. “Contamos que a finais de ano a ruta esteja homologada” asseguram @s tran@s. Umha vez que isso se consiga iniciara-se um processo de sinalizaçom.
A sexta ediçom ajudará a agilizar a homologaçom já que entre tod@s @s trasn@s que participem, que se espera que sejam mais de 500, analisarám cada ponto do percorrido.
Assim a primeira etapa desta ediçom será o domingo, 20 de março. Xs participantes reuniram-se ás 9 horas no porto de Malpica e desde ali realizarám os case 22 quilómetros que os separam de Ninhons, o ponto final da etapa. Cada trasn@ deverá levar a sua própria comida e bebida da que poderá desfrutar ao longo do percorrido. Á chegada, prevista para as 19 horas, um autocar recolherá @s caminhantes para leva-l@s de volta a Malpica.
Como participar
Para participar é obrigatório inscrever-se a través da página web Caminho dos Faros onde é necessário cobrir um prego. O preço é de 5€ por pessoa e inclue viagem em autocar de Ninhons a Malpica e um seguro de acidentes. Xs participantes podem-se inscrever até o mesmo dia da ruta, denantes do seu começo.
A ruta dos Faros da Costa da Morte, que se compom de 8 etapas, une os 200 quilómetros que separa Malpica de Fisterra. Ademais do éxito desta iniciativa que traspassa as fronteiras da bisbarra, @s organizador@s pugerom em marcha as pre-etapas que se realizam o dia antérior á ruta na vila desde a que se parte. Desta forma, a pre-etapa deste sábado será em Malpica onde xs participantes poderám conhecer a vila a través da visom dos marinheiros e das redeiras. Já pola noite, e tras reponher forças nos distintos locais hosteleiros de Malpica, a Traskiband ofrecerá um concerto.
Durante as pre-etapas, e tras um acordo coa Federaçom de ANPA`s da Costa da Morte, organizam uns roteiros abertos a todos os públicos cuns percorridos pensados para pessoas, de qualquer idade, com distintas necessidades específicas ou mobilidade reduzida.
