Nom nos esquezamos da tolémia identitária das festas populares. As festas populares som sacras e ai de quem se atreva a meter-se com elas. É como o fútbol. Se criticas a Messi, criticas ao Barça, esse que é “mais que um club”. Em Tordesillas únem-se PP e PSOE por defender o direito para matar touros e a ver quem é o político guapo que se declara antitaurino ou defensor dos animais ante a sua vizinhança. Discurso e racionalidade contra atavismo e “tradiçons”, as das festas populares, ou as religions, as pátrias, as fronteiras, etc… E já sabemos quem leva as de ganhar. Comentário de JMGP na rede
Ontem deitei escrito no meu antérior artigo sobre este deleznável feito que, em quanto soubem de que entre os 5 violadores da moça no San Fermín havia 1 picoleto, a minha primeira impressom foi que nom podia ser tal coisa e ato seguido perguntei-lhe estranhado ao meu informante: Só um??.
A noite seica já se contava em algum médio basco que, entre os 5 energúmenos violadores, há tamém 1 militar profissional. E assim, aos poucos, é como os falsimédios vam tirando a informaçom sobre a violência contra as mulheres neste San Fermín. Se hoje fas umha busca na rede sobre as violaçons e abusos sexuais nestas festas apenas atoparás novidades nos grandes médios estatais; e nos bascos a notícia fica num segundo plano oculta entre a autosatisfaçom pola nova resposta da cidadania pamplonica contra estes execráveis crimens e a suposta rápida resposta do responsável da Garda Civil, Cuco Fdez de Mesa, suspendendo de funçons ao picolo detido por violador, mas isso sim deixando claro que nom está apartado do Corpo até que nom saia a sentência, e que a suspensom é devida á “gravidade dos feitos investigados” e tamém pola “importante alarma social” gerida (o que me leva a pensar que, se nom saira nos falsimédios, o Cuco teria mirado para outro lado?).
Continuar lendo
Se há algo que distinguia esquerdas e direitas na pantomima democrática espanhola era o grado de submissom com respeito aos mandatos dos presidentes de EEUU. A suposta esquerda parlamentária sinificada polo espectro partidista ubicado desde a socialdemocracia do PSOE até o eurocomunismo de IU sempre evitara todo sinal de seguidismo cego ás teses ianques, mesmo até chegar a situaçons de patetismo como quando o atlantista ZP se negara a pôr-se em pê ao passo dum batalhom ianqui que participara no desfile das forças armadas espanholas co galho da celebraçom do genocídio das américas celebrado tras a guerra de Iraque, sendo ainda presidente Aznar. Mas se o do PSOE e as suas relaçons internacionais é de psiquiatra, a postura de IU e aliadas sempre fora, até o de agora, de acertado distanciamento que lhe valia bem de votos na sua caça do votante descontente coa economia capitalista internacional comandada por EEUU, seus bancos e empresas.
As notícias nos que, um ou mais “picolos”, cometem atos delituosos som abondosas e variadas, desde membros da “benemérita” que som pilhados em assuntos de tráfego de drogas (ou de desapariçom de comissos confiscados) até gardas implicados em casos de torturas em prisom e/ou assassinatos de imigrantes nas fronteiras, nom há case dia em que nom haja um membro desta força repressiva implicado em atos que, ás mais das vezes, som cometidos com abuso de autoridade e com a prepotència de quem, sendo parte dum corpo armado, acha que tem tudo o direito da sua parte para se tomar as licências oportunas da sua situaçom e tirar proveito personal desse abuso de força.
Hoje lim na rede que em Iruña (Pamplona) volvera haver umha moça violentada por um grupo de energúmenos durante as festas e que a manifestaçom de protesta por estes feitos fora um éxito de participaçom, mesmo feministas galegas davam loas, numha rede social, a tal suposto éxito de participaçom com um simples clic de “compartilhar” a notícia do jornal Gara-Naiz com o cabeçalho 
Ontem estivem olhando a final dos 10000 metros mulheres do campionato europeio de atletismo. Ganhou, bom mais bem arrasou, a jovem atleta turca Yasemin Can, de tam só 19 anos. Polo que ouvim aos comentaristas da prova e depois contrastei na rede, Yasemin Can nom é o seu nome de nascemento nem Turquia o seu lugar de berçe; Yasemin cháma-se na realidade Vivian Jemutai e nasceu em Kenia e chegou a Turquia da mão dum seu representante no ano passado e em tam só um ano (desde março passado) já compite com Turquia nos eventos internacionais tras mudar o seu nome para adapta-lo a um nome turco e tratar de disfarçar sua procedência.
E nom só deitou isso numha conferência dos cursos de vrão da 
Esta pergunta reaparece na maioria de jornais depois de cada distúrbio. E os distúrbios de Roma em 14 de Dezembro merecem umha resposta. Queredes ver a que se parecem os rostros ocultos com panos, cascos ou carapuchas?
Há umha frase no acervo cultural castelám que viria ao pelo ou melhor dito que “nem pintada”, aquela que di “Ladran Sancho, señal que cabalgamos” (falsamente atribuida a Cervantes no seu Quijote); se bem o autor ou autores dos garavatos deitados sobre as paredes exteriores do Ateneo Libertário “Xosé Tarrío” nom estám á altura mental dos cánidos; mas é patente e notório que a atividade das minhas compas “corunhentas” está a trazer consequências nom desejadas pero sinificativas de que algo está proendo na única neurona destes despojos humanos necrólatras ou necrófilos que ainda anhoram aos seus ancestrais assassinos de inocentes.
COMOCHOCONTO 