Propaganda eleitoral (3) – “En Marea” Luís Villares, justo um desconhecido juiz

marea Na altura já nom surpreende que um juiz -que leva toda umha vida vivindo a corpo de príncipe com um dos salários mais altos da administraçom pública e aplicando as leis que possibilitam e facilitam o mantemento do sistema capitalista- seja cabeça vissível dum partido ou dumha coaligaçom eleitoraleira que se di demócrata e ubicada na esquerda (ou abaixo) do espectro parlamentar. Já tiveramos por estes lares a figura de Ventura Pérez Mariño, quem foi alcaide de Vigo e deputado polo PSOE e além, umha das polas desta coaligaçom galega-espanhola, os “podemitas”, destacam por mirar de pôr nos seus postos de saida a gentes com profissons liberais e magnificos salários e deixar-se de lérias de proletariado e demais misérias que nom conducem ao poder ansiado: umha juiz canária e umha exjuiz como alcaidesa em Madrid, som ejemplos dabondo.

Por tudo issso nom é estranho que na propaganda da sua campanha sobressaia esta sua condiçom de juiz (e parte) e de ai a lenda “Un país xusto”, que eu nom som quem de concretar que é o que quer dizer ou que pretendem as Mareas com este eslôgane: Estám a dizer que Galiza é já de “per se” um pais justo? Ou estám querendo dizer que quando o juiz governe, Galiza vai ser justa? Ou é umha simples constataçom de que a Galiza é justo um pais (e nom dois ou tres)? Ou é justo o seu jeito de marear á gente para que confie num juiz como presidente??

enmarea-mahou A mim da-me que por muito que seja juiz e dada as caseque nulas competências em matéria judicial que tem esta autonomia, tanto tem que seja justo porque aquí vam seguir regindo as normativas espanholas restritivas que imponhem o medo na sociedade e facilitam o castigo á pobreça entanto encumeam gentes como Amancio Ortega ao escalafom mais alto dos benefícios a costa dos suores e das vidas de muitas gentes.

Só por rematar, sinalar a curiosa semelhança entre o logo da Marea e umha cerveja espanhola que nom é a estrela (símbolo por antonomásia do BNG), nom vaia ser que seu eleitorado se confunda.

14322697_1775940775997219_5489723462558760053_n Se bem desde a Marea já estám a procurar que a gente diferêncie bem entre nacionalistas à antiga (BNG) e possibilistas modernos (Marea) e assim, por pôr um só ejemplo recém, Marea vem de sumar-se á aprovaçom por voto unánime e “por assentimento” da constituiçom da Comissom de Cultura do Congresso dos deputados espanhois, da que vai formar parte como Primeiro Secretário o deputado de En Marea-Podemos, Miguel Anxo Fernán Vello e como presidenta a galegófoba e deputada de C’s por Madrid, a escritora nascida em Lugo, Marta Rivera de la Cruz, mais conhecida pola sua teima contra o galego do que polas suas obras e quem sinalára-se por diversas atuaçons públicas criticando a ‘imposiçom’ do galego e denunciando a ‘discriminaçom’ dos escritores que na Galiza escrevem em castelám; além de ser um dos mais notórios apoios das atuaçons contra a nossa língua desenvolvidas pola asociaçom galegófoba Galicia Bilingüe. Fernán Vello já protagonizara outra polémica quando umha das suas primeiras atuaçons na anterior Comissom de Cultura do Congresso fora para denunciar que o Governo de Rajoy nom adicava suficiente atençom á celebraçom do 4º Centenário de Cervantes. E isto justo no momento em que Lucas C.S., alcumado Volk Gz, membro do duo de rap Tinta Rebelde, senta na bancada judicial por supostas falha de ameazas por elaborar e colgar na rede um vídeo dum tema que, ao entender da fiscalia e da presidenta de Galicia Bilingüe, Gloria Lago, “amedrenta” a esta última. Se o juiz que julga este caso fosse Luís Villares, que decisom justa tomaria vendo como atuam em Madrid seus correligionários?. Ao final sim que vam ser de “os de abaixo” porque mais baixo é bem dificil cair.

Anúncios

Uma ideia sobre “Propaganda eleitoral (3) – “En Marea” Luís Villares, justo um desconhecido juiz

  1. Pingback: Diante da demanda de Mahou: Minhas propostas de novo logo para Marea (de nada…) | ogajeironagavea

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s