Propaganda eleitoral (e 5) – O PPdeG vs. PP e o mundo

«e nenhuma coisa nos enmaranha em calamidades mais grandes que achegármo-nos ao que a gente di, na ideia de que o milhor é o que se aceita coa aprovaçom de muitos» (…) “A vida feliz” , Séneca

A campanha mediática escolhida polas assessoras de Feijoo semelha que, dando por feita a vitória eleitoral, mas por méritos alheios que próprios; do que se tratara fosse de desligar-se da impotência de Rajoy á hora de formar governo em Madrid e dos múltiples casos de corrupçom do PP no estado; coma se por acá as coisas fossem dum outro jeito, obviando Baltares, Pokemons e boas amizades com narcos e outras máfias para tratar de acadar “el Dorado”.
logofeijooclaim De todas é de reconhecer que é moi bo o eslôgane escolhido, mirando de deixar reduzida á última expressom o logo do partido e dando por sentado em claro bilingüismo harmónico galego junteiro e castelám espanholeiro que «Feijoo, en Galicia si», e nom como meus correligionários da espanha que nom som quem de ganhar com maioria e levam mais de 1 ano sem governo. E além, para simplicar a mensagem, tiram de mapa oficial da Galiza para chanta-lo em forma da primeira «O» do apelido presidenciável. Tácticas todas elas dirigidas a essa povoaçom submissa á que tenhem pouco menos que abduzida com as suas prebendas caciquis e essa sensaçom de obriga da servidume para com o «senhorito» de Os Peares, que dim que de neno andava na aldeia, mas deveu apreender pouco a língua que lá se fala ainda que farde de que «a sabe leer e a sabe escreber perfectamente».
feijoo-a-sabemos Feijoo transmite assim a posiçom do caudilho ademirado na sua esquina galaica e favorito nos enquerimentos para manter a sua cadeira de presi. Por suposto nessa contabilidade eleitoral nom se terám em conta as apostas pola abstençom, que polo de agora vem sendo ganhadora real das eleiçons e posiçom maioritária da povoaçom galega; postura que, sem necessidade de ter seu espeço de publicidade e marketing eleitoral, vai medrando dia a dia por convencimento próprio da gente que optamos por ela como jeito de amossar nossa disconformidade com este sistema eleitoral e económico que permite que, quem rouba ao povo aproveitándo-se de ser representante eleito, tem direito a umha justiça diferente e a umha penas que já quiger para si o mais pobre delinqüente.
pp-narcos O único erro da campanha, cicais seja o mal sítio buscado para chantar alguns valos publicitários, justo ao carom dos do filme “Narcos”, que lhe da umha real vissom de conjunto do que vem a representar Feijoo para a imensa maioria de galegas e galegos que nom lhes votamos ao partido da corrupçom por excelència. Imagem amplamente reproduzida na rede que nom podo deixar sem deitar acá; ao igual que estoutra do desenhante Vergara em ElDiario:
difamacion_edicrt20160901_0002_14

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s