Professorado de CC da Educaçom da USC em defessa do homófobo Domingo Neira

14485167_1315957761756706_2188678777879596640_n O escrache das estudantes de Ciências da Educaçom da USC denunciando as aulas com contidos homófobos do professor desta faculdade, Domingo Neira, foi julgado nesta 2ª feira tras as acusaçons formuladas contra 3 delas, Atanes, Mario e Antía, por desordes públicos e apresentadas nos julgados pola Secretária Geral da USC, Consuelo Ferreiro Regueiro e mais a Vice-decana de dita faculdade, María José Méndez Lois.

Co galho do mesmo, as estudantes implicadas tirarom um seu comunicado no que deitam algumhas das suas impresons (e que cópio e colo depois): se bem denantes eu quero deitar estas minhas ao respeito do ánimo posto, polas “autoridades” universitárias e suas colaboradoras necessárias, para castigar algumhas (só 3) das pessoas que, na sua qualidade de discentes, manifestaram mediante um protesto as atitudes homófobas na aula do docente:

Porque nom só foram a testemunhar contra de Antía, Mario e Atanes, a vicedecana e mais a secretaria geral da USC, senom que tamém se sumarom á festa várias professoras dessa faculdade (molava conhecer suas filiaçons), quem foram testemunhar ao juízo a prol de condenar a estas estudantes por “alterar ou impedir o normal funcionamento dum centro docente” em base a que, durante o escrache, se figera ruido e se interrumpira numha aula!!.

E pergúnto-me eu:

– Que classe de aulas se impartem nessa faculdade de CC da Educaçom onde prima o silêncio cumplice e o corporativismo idiota por riba de valores humanos como a igualdade por razom de orientaçom sexual??

– Que tipo de valores estám a transmitir ás futuras geraçons de mestres?

– Que Universidade defende esta equipa reitoral que empreende umha açom judicial contra 3 das suas membros (as estudantes nom só tamém formam parte da USC, senom que sem elas nom existiria) com petiçom de meses de cárcere, por fazer um protesto contra um docente que terma em impartir aulas com alto contido homófobo com expressons como que «a homosexualidade é contagiosa» ou que nom se podia permitir a parelhas gais ter filhos e mesmo em declaraçons algum falsimédio relacionou a homosexualidade com «gente viciosa» e insistiu em que «na homosexualidade algumha alteraçom tem que haver».

– A denúncia contra Atanes, Mario e Antía é umha compensaçom para com o docente homófobo por ter-se visto a equipa reitoral na obriga de abrir-lhe um expediente em 2013 e suspender-lhe de emprego e salário durante dois meses tras da iniciativa das estudantes de CC da Educaçom de recolher assinaturas para que a USC tomara algumha medida contra el?

O caso é que umha vez mais (olhade acá o tema do Luciano Méndez contra “Teteiros Ceives”) o governo da USC (e parte do seu professorado) amosa sua cumplicidade corporativista para com atitudes sexistas do seu professorado e carga com sanha contra as estudantes que protestam e denunciam ditas atitudes.

Comunicado de Atanes, Mario e Antía

O xuízo pasou, e queremos comunicarvos algunhas das impresións que sacamos, para todas aquelas que vos preocupastes por nós.

A cuestión é que o delito do que se nos acusa é indiferente a calquer agresión, insulto ou outros elementos do estilo. Xúlgasenos por alterar ou impedir o normal funcionamento dun centro docente, segundo está tipificado no delito de desordes publicas, cunha pena comprendida entre 3 e 6 meses de prisión. Deste xeito, por simplemente demostrarse a nosa presenza no escrache a Domingo Neira e declarar as autoridades do centro (decana e outras profesoras) que entorpecimos de forma clara certas actividades académicas polo ruído producido, a xente que había, por supostamente interrumpir unha aula, etc. xa podemos ser declaradas culpables.

Ofrecéusenos un pacto de tres meses (a fiscalía pedía cinco), que rexeitamos por non aceptar nin comprender que unha protesta dentro da USC sexa delito: pedimos a nosa libre absolución. A sentenza sairá nun par de semanas aproximadamente. De todos os xeitos, ainda que se nos condene isto non implicaría unha entrada en prisión para ningunha das tres, só unha pena en suspension que pode ser conmutada por unha multa ou traballos comunitarios.

Ante todo, queremos agradecer a asistencia á concentración, como tamén a preocupación que mostrastes moitas de vós. A nosa solidariedade e unión fará cambiar o medo de bando. Grazas !!

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s