O DOG do martes 11 de outubro publica os dados definitivos dos resultados eleitorais que eu recolhim na imagem adjunta; onde fica demonstrado que este sistema representativo chamado democracia é totalmente injusto e os governos saidos das consultas eleitorais nom tenhem nem remotamente o apoio da povoaçom a quem dim representar. Deste jeito 3/4 partes das pessoas com direito a voto para escolher o parlamentinho galego vam-se ver governadas durante outros quatro anos dum jeito absolutista por um partido político que nom representa para nada seus intereses
Mas nom só; porque a realidade numérica amossa que mais dum 50% desse eleitorado (um 51’72%) nom vai ter representaçom algumha na cámara de representantes galega; como resultado de sumar as abstencionistas (46’37%) mais votos nulos (0’54%), votos em branco (0’52%) e votos a partidos que nom obtiverom representaçom algumha (3’29%) .
Extrapolando estes dados definitivos e definitórios a umha comunidade de 20 pessoas, este seria o resultado das eleiçons a representantes:
5 votos ao governo maioritário
5 votos á oposiçom em clara minoria
1 voto sem representaçom
9 abstencionistas
E assim ainda que seja “repepepepitivo” quero dizer, para todas aquelas opinadoras do que nom sabem ou nom acertam a compreender, que na Galiza o 75% da gente nom votamos PP.
Chamam-lhe democracia e nom o é, oé, oé, oé…
COMOCHOCONTO 