Abstençom do PSOE nom é abstençom que é rendiçom.

livre-forges A polissemia desta palavra permite que se misturem e confundam conceitos que nom compartilham absolutamente nada em quanto ao seu sinificado e mais que nada em quanto sua utilizaçom como arma política.

As anarquistas levamos a abstençom no nosso acionar político como negativa a participar dum jogo trucado, tramposo e desfaçado, disfarçado de escrutínio eleitoral representativo. Temos razons abondo e já temos expressado em múltiples ocasions, foros e debates, a nossa negativa a ser partícipes do engano e das mentiras eleitorais que depois nunca se cumprem. Mas nós nom jogamos ao engano quando fazemos nossas campanhas pola abstençom aos diferentes comícios; dizemos claramente que nom imos botar e denunciamos, campanha sobre campanha, as jogadas trucadas para favorecer aos grandes empórios partidistas e facilitar o governo das ideias capitalistas-liberais representadas por case todos os partidos que se apresentam ás liças eleitorais, já sejam da velha garda ou do novo cunho.

socialistadesiempre Mas o PSOE que sofremos desde a sua “transaçom” ao franquismo, sempre se apresentara ao seu público votante, na liça das eleiçons espanholas para representantes, como a melhor alternativa (senom a única) da esquerda moderada contra da direitona. Nunca até agora quitara sua máscara de vermelhom esquerdista para ensinar-nos seu autêntico rostro neoliberal pro-capitalista. Por fim assemelha-se aos seus compinches “sociolistos” do resto do mundo envolvido em trampas eleitorais, e acordam em seu “comité de sábias” passar a ser o valido da direitona espanhola, representada no PP, ao ceder-lhe o privilégio de governar estando em “franca” minoria e renunciando assim a tomar a presidência das espanhas, á que os resultados do escrutínio dávam-lhe possibilidade senom se negara a pactar com as entidades políticas das naçons sem estado coas que já tem pactado em anteriores ocasions.

A diferência fudamental da abstençom anarquista com esta pseudo-abstençom socialista, nom radica só na sua semántica, senom em que entanto nós, anarquistas, nom jogamos ao engano; os e as sociolistas do PSOE mintem a sua paróquia e onde antes digeram Diego, agora dim Digo.

psoe-susanitaE além o único que lhes moveu a mudar o seu “rotundo NOM ao PP” por umha abstençom que facilite a governabilidade da força da direitona para nom seguir nesta situaçom de impasse; é a sua preocupaçom por superar tal situaçom, seu medo a ver-se relegada a ser umha força política sem case apoios, como lhe passou aois seus coleguis gregos do PASOK (um partido que governou Grécia case inenterrumpidamente desde 1980 até 2012 e se passou de ter 173 escanos, dum total de 300, a possuir só 15 na atualidade e correr sérios riscos de desaparecer). Porque sabem que, de haver nova convocatória eleitoral, iam tirar uns resultados moi por baixo dos que acadaram na última e iam-se ver relegados a ser a 3ª força por detras de PP e Podemos. Ademais nom ocultam que essas som as suas verdadeiras razons, se bem tratam de dissimular com aquilo de que nom querem volver a fazer passar á cidadania por umha nova consulta eleitoral; ou seja, estám a asseverar que consideram as consultas umha incomodidade para a cidadania.

Poida que esta fosse sua única jogada para tratar de manter-se entre os jogadores com possibilidade de éxito, mas eu estaria por apostar forte a que esta sua rendiçom ante seu histórico inimigo só sinificará um punto e aparte entre a maioria do seu eleitorado que lhes permanecera fiel até agora. Se bem até dentro de quatro anos podem caga-la muitos outros e dar-lhe umha reviravolta a atualidade partidária eleitoralista.

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s