Ahora Madrid diante do neonazismo: Passividade ou Colaboraçom

A “Asamblea Popular de Carabanchel 15M” e mais a “Asamblea Antifascista de Carabanchel” venhem de tirar um seu comunicado conjunto onde denúnciam que o governo do concelho da capital espanhola, em mãos de quem dim representar o 99% da povoaçom e fazer umha nova política, nom se toma a sério a ameaza do neonazismo nessa cidade, e nom só adíca-se a negociar com coletivos tam despreciáveis como Hogar Social e suas recolhidas “caritativas” de alimentos só para espanhois, ou olhar cara outro lado quando sabe de agressons racistas; senom que, agora, num temerário ato de incompetência, vem de filtrar os dados pessoais das convocantes da Manifestaçom antifascista do passado 11 de março -pese a ter a obriga de mante-los em secreto- ponhendo assim em perigo a sua seguridade pessoal.

Colo aqui seu Comunicado (traduzido): O passado sábado dia 11 de março, as vizinhas e vizinhos dos bairros de Carabanchel e Aluche, apoiados por moitas pessoas doutras partes da cidade que tamém quigeram solidarizar-se, realizamos umha manifestaçom percorrendo as suas ruas, baixo o lema “Defende o bairro”, em alusom ás últimas agresons por parte de nazis nestes distritos; para demonstrar a nossa repulsa ante este tipo de ataques e lembrar que os nossos bairros manténhem-se vivos, unidos e combativos para plantar cara a esta ameaça.

A manifestaçom foi convocada, organizada e difundida por numerosos coletivos populares destes bairros, organizaçons de base que de forma autogerida e autónoma ás instituiçons fam fronte ao racismo e ao fascismo de maneira cotiá, nas suas múltiples formas e expressons: tanto seja rebentando as suas concentraçons, eliminando a sua propaganda ou impedindo redadas racistas policiais. Imposibilitando em definitiva que tenham nenhum espaço na sociedade para promover as suas ideas políticas.

Esta vez, e a pesar de que é um trámite que nos parece enganoso e inecessário, a manifestaçom foi comunicada a Delegaçom de Governo da Comunidade de Madrid para evitar abusos policiais a vizinhos e vizinhas que quigeram sumar-se a ela e que puideram temer as represálias ante possíveis identificaçons. Estes trámites, que só buscam controlar e domesticar as expressons populares, som umha peagem que impom a administraçom, nom é um requisito que necessitemos para nossa autorganizaçom nem garante de seguridade (*).

Desgraciadamente o Concelho de Madrid nom se toma á sério a ameaça do neonazismo na cidade, e provas som que negócie com coletivos tam despreciáveis como “Hogar Social” e suas recolhidas “caritativas” de alimentos só para espanhois, ou a escasa atençom que presta ás agressons racistas. Pero agora puidemos comprovar que num temerário ato de incompetência, o concelho filtrou os dados pessoais das convocantes da devandita manifestaçom do dia 11 a todos os serviços que mobilizou: samur, pessoal de limpeça, polícia municipal… a pesar de ter a obriga de mante-los em secreto pola sua própria lei de proteçom de dados, ponhendo em perigo a seguridade pessoal daquelas que nos vemos obrigadas a facilitar esta informaçom, e mais numha convocatória destas características contra os delitos de ódio.

O Concelho de Madrid pom-nos em perigo a todas e todos coa sua passividade fronte ao fascismo e a impunidade das suas agressons, e agora ademais quando facilita que nos sinalem e identifiquem. Pero tampouco poderám parar-nos, e seguiremos loitando para expulsar dos nossos bairros aos nazis.

Carabanchel antifascista! Madrid antifascista!

Asamblea Popular de Carabanchel 15M, Asamblea Antifascista de Carabanchel.

———————————-
(*) Nota do Gajeiro .- Ao respeito das consequências de ter notificado os dadospessoas á hora de solicitar permiso para manifestar-se recomendo a leitura do artigo de acá arriba: “Piden tres anos de cárcere a quen convocou a XIII marcha á prisión de Teixeiro” e que recolhim da página amiga A Irmandade da Costa

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s