NOM ao DESPEJO do CSO ESCÁRNIO e MALDIZER!! Carregas brutais e 2 pessoas detidas e postas em liberdade. CONCENTRAÇOM as 20:00′ na Porta do Caminho

Índa que algumha da informaçom oferecida poida que nom seja de tudo correto (espero que se tal alguém me corrija) dado que nom me atopo no olho do furacám da notícia; ainda que nunca farei como em “El Borrego” que desmintem que houvera 2 pessoas detidas durante a operaçom policial; claro está só oferecem a versom das fontes policiais; dado que,,como som tam bos jornalistos, nom se lhes ocorreu achegar-se as gentes que se concentravam contra o despejo para saber sua opiniom e mesmo desmontar e desmentir a versom policial de que nom houvera detidas.

Hoje, as 8 da manhá, com aleivosia e certa ilegalidade (nom havia ninguém na okupa a quem apresentar a pertinente ordem de despejo), um feixe de polícias espanhois e até quatro furgonas de antidistúrbios cortavam polas duas frentes o 1º tramo de rua Algalia de riba que vai desde a praça do Pam, e proibiam o acesso de viandantes por diante de onde está ubicado o CSO Escárnio e ato seguido entravam pola força nesse espaço. Pese que ao parescer dias atrás já se receberam notícias dum vindouro despejo ninguém esperava que se produzira de tal guisa.

Em pouco tempo correu a voz de alerta e lá se personaram um grupinho de 15 pessoas para saber que se passava e a que obedecia tal posse pola força dum espaço que estava a ter umha vida cultural e social alternativa ao Capital que representam as instituçons públicas e privativas. A resposta da polícia foi como acostumam a ser estas coisas: porraços a destra e sinistra e umha pessoa detida sem mais contemplaçons, porque petou-lhes, porque os moi machotes polícias podiam demonstrar assim seu poderio armado.

Os apoios forom-se incrementando a medida que passavam os minutos e quando já eram um grupinho numerosos, novas cárregas policiais e umha outra pessoa é detida.

Milhor espaços tapiados que centros sociais, issa é a sus política, contra a sua atrocidade e barbaridade a nossa resposta é a solidariedade!! Um desalojo , outra ocupaçom!!

Entretanto operários, que entrarom quando a polícia, adicavam-se a tapiar portas e ventás com grandes bloques e cimento armado; mais e mais gente acodia ao chamado solidário feito desde as redes sociais e mais nervosa se punham os elementos fardados e armados.

Ulo Compostela Aberta? (*)

Isto é o que punha o programa eleitoral de Compostela Aberta na sua linha estratégica 3, açom 15, ao respeito dos centros sociais: “Recoñecemento doutras manifestacións culturais como os centros sociais ocupados da Algalia, do Sar e de Filgueiriñas”.

Reconhecemento?? Além de que o do Sar nom é okupa; gostaria de saber que é o que hoje vam reconhecer? Se o alcaide comprometeu-se a isso, quanto menos estaria bem que estivera hoje na concentraçom apoiando as okupas. Mas acho que isso já vai ser muitíssimo pedir.

CONCENTRAÇOM as 20:00′ na Porta do Caminho

NOM A CRIMINALIZAÇOM DOS MOVEMENTOS SOCIAIS

DEFENDE OS CENTROS SOCIAIS
DEFENDE ESCÁRNIO E MALDIZER

10 100 1000 centros sociais!!!

—————
(*) pdt.- Pouco depois de publicar esta entrada soubem de que CA titrara um seu Comunicado ao respeito do despejo, que vos convido a lêr acá na sua web se bem destaco sua última frase: “queremos transmitir o noso rexeitamento ante o uso da forza e reivindicar o diálogo e a convivencia como a única forma de solucionar os eventuais conflitos que poidan xurdir nestas situacións”. Isso sim reitero acá o dito de que estaria bem que estivera hoje o alcaide na concentraçom apoiando as okupas.

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s