Apresentaçons do Livro “Cabo de Guía” nesta finde: Sábado no Ateneo Libertário “Xosé Tarrío” e Domingo no CSA do Sar

A primeiros de dezembro do ano passado colava nesta minha bitácora umha resenha de tal “moi particular” Guia (escrita em castelám) com nome marinheiro, editada a raiz das operaçons antiterroristas (em especial da Operaçom Pinhata) contra a entorna anarquista e co galho de transmitir umha série de conselhos práticos para afrontar a repressom. Tamém fazia alusom a que tivera conhecemento de tal graças á estupenda laboura informativa das minhas compas e amigas da Revista Anarquista “Abordaxe” e além aportava umha ligaçom na que tendes acesso para sua descarga livre (em formato pdf) na bitácora do mesmo nome criada ex professo: Cabodeguia.noblogs, e anunciava que desde esse momento incorporava tal enlace á minha listagem de ligaçons a páginas amigas (na coluna direita, segundo miras) e lá segue desde entom.

Agora venho de saber que as compas implicadas na sua elaboraçom, ediçom e distribuiçom vam estar esta vindoura “finde” por terras galegas para apresentar tal publicaçom e assim começarám na Corunha este vindouro sábado 28 ás 20 hs no local do Ateneo Anarquista “Xosé Tarrío”, ubicado na rua La Paz nº 16 do bairro corunhês de Os Malhos e continuarám o domingo 29 em Compostela ás 13:00 no CSA do Sar, na rua Curros Enríquez nº 28, e ao seu remate haverá um jantar. Procurarei estar nalgum dos dois lugares!! Ánimo-vos a acodir pois promete estar interesante e anunciam que depois da apresentaçom haverá um debate aberto sobre distintos pontos relacionados co contido da guia; livro imprescindível que, podéredes adquiri-lo no Ateneo por só 2 €!!

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair /  Alterar )

Imagem do Twitter

Você está comentando utilizando sua conta Twitter. Sair /  Alterar )

Foto do Facebook

Você está comentando utilizando sua conta Facebook. Sair /  Alterar )

Conectando a %s