Vídeo resumo de como as exploraçons mineiras afetam as águas e vida dos nossos rios.

A vizinhança de Cornado, uma das paróquias de Touro, deitarom em 13 de maio na sua página duma rede social virtual o seguinte vídeo e texto que colo acá para ajudar a dar-lhe pulo:

Aqui deixamos-vos um pequeninho resumo de como afeta a minaria as águas dos nossos rios.

Vídeo explicado por gente que nom cobra por dizer o que estudou durante muitos anos (em clara referência a outros que andam por certos falsimédios trantando de enganar ao povo sábio e dando bola á empresa mineira a câmbio de emulumentos): Francisco Díaz Fierros, catedrático em Edafologia e Química Agrícola e Jesús Santamaría, doutor en Ciências Biológicas; ainda que a gente do lugar, nom precisa que lho diga ninguém.

“Auto-organizaçom e Apoio Mútuo contra as fronteiras” Gotejo Solidário co Sindicato de Manteros e Lateros de Madrid

Dias atrás figera um oco nesta minha bitácora a um outro gotejo solidário coas pessoas migrantes residentes na Catalunya; agora é de rigor fazer o próprio com estoutra iniciativa solidária que parte das migrantes residentes em Madrid baixo as demandas de: Auto-organizaçom e Apoio Mútuo contra das fronteiras. Nenhum ser humano é ilegal. Sobreviver nom é delito.
Seu objectivo geral é que todas as pessoas, independentemente da sua origem, tenham acesso a uma vida digna e plena. Suas ferramentas som uma dinámica participativa que mediante o apoio mútuo e a interaçom solidária com os coletivos que lhes arrodeam desafie dia a dia as barreiras que nos dividem co galho de sentir-se fortes e fazer valer os seus direitos demostrando que se pode conviver e posiçonándo-se em contra do discurso do medo, do ódio e da xenofobia dos médios e as instituiçons.

Seus objectivos mais específicos som:

Nom á Mina de Touro-O Pino: Vídeos e Contaminaçom

Começo esta entrada com o vídeo documentário realizado por Xosé Bocixa de Tingalaranga Audiovisual para Nos-Tv e que esta disponibiliçou recém na sua plataforma de youtube:

De seguinte vos convido á leitura do informwe cos resultados das análises encarregadas por ADEGA das augas dos rios Portapego e Pucheiras que drenam a antiga mina de Touro. Como era de esperar, existe contaminación por “uma importante carga de metais lixiviados”, como cobre, cinc e níquel que sobardam todos os límites e que pola sua natureza “som bioacumulativos e tendem a concentrar-se nos tecidos vivos ao longo de toda a cadeia trófica, polo que antes ou despois acabarám provocando alteraçons fisiológicas e genéticas”. E tudo isto se passa coa Mina parada…

“Top Manta · Ropa legal feita por gente ilegal”.- Um “gotejo” de solidariedade e compromiso

Uma boa maneira de apoiar ás migrantes sem papeis! a que esperades??

Em julho de 2017 desde o Sindicato Popular de Vendedores Ambulantes de Barcelona lançarom a marca de prendas “Top Manta” co galho de milhorar as suas condiçons de vida como coletivo e assim poder “sacar das ruas a todos os coletivos marginados”.

Para poder levar esta empresa adiante, há dias iniciarom uma sua Campanha na Plataforma Goteo na que convidam a apoiar-lhes coa quantidade que queiras e escolher em base ás recompensas ofertadas, que vam desde camisolas, sacas, audioconto, jantares, rutas,… Mas milhor que vos assomedes vos mesmas a esta ligaçom onde tendes a vossa disposiçom quanta informaçom precisades para colaborar economicamente com este projeto solidário: https://www.goteo.org/project/top-manta-bcn

A colabouraçom da USC com empresas moi privativas. O caso da Mina de Touro-O Pino e outros

Felipe Macías Vázquez – Vozeiro defessor de ENCE e da mina Cobre San Rafael

Venho de saber graças a Xosé Bocixa (coautor do documentário “A Ameaza do Cobre” que se apresentou ontem em Compostela com muito sucesso) que em 21 de fevereiro passado houvo uma conferência na Fac de Químicas da USC impartida polo profissor de Químicas Felipe Macías Vázquez baixo o sugerente título “Touro: un novo proxecto de explotación mineira. Consecuencias ambientais” que convidava a pensar que se ia falar das repercusons da mina no meio ambiente; mas nada mais longe da realidade, o objetivo de tal conferência, tal como denunciam um grupo de estudantes assistentes á mesma, foi fazer apologia dos benefícios da mina que a empresa Cobre San Rafael quere reabrir em Touro-O Pino desde os altavozes dum aula dum centro público. Na sua denúncia o grupo de estudantes saca a reluzir a relaçom mercantil de Felipe Macías coa empresa Cobre San Rafael dado que, além de aparecer como colaborador do projeto no estudo de impacto ambiental da mina Touro-O Pino, este home tem um interés moi lucrativo na sua exploraçom dado que tem assinados contratos de colaboraçom com empresas como TEN, fabricante de tecnosoles (tecnologia para a recuperaçom de terreos danados polas minarias), ou Francisco Gómez y CIA e Explotaciones Gallegas, ambas tamém relacionadas coa exploraçom desta mina.

Mina Touro O Pino NOM! Racha minoduto de ferro no Brasil e contamina manancial de auga!!

As empresas mineras e seus adalides da imprensa canalha nom pasram de dizer que os métodos para extrair minerais na atualidade som superseguros e já nom causam mal nenhum nem as pessoas nem ao meio. Jornais que atendem aos intereses especulativos destas empresas nom param de tirar reprotagens neste senso co galho de neutralizar a combativa resistência da vizinhança contra da reapertura da mina de Touro-O Pino.

A empresa Anglo American Minério de Ferro S.A, com exploraçons mineiras em todo o mundo e em especial em América, Sudáfrica e Australia, vénde-se na sua web como “mineradora responsável – de diamantes, platina e outros metais preciosos, cobre, níquel, minério de ferro e carvom – e guardians desses recursos naturais preciosos”; mas isso nom impediu, que este gigante da minaria, proprietária e exploradora da minaria de ferro ubicada em Minas Gerais, o seu meirande projeto, venha de sofrer uma rotura no cano que transporta o mineral de ferro até Rio de Janeiro num percorrido de 525 kms a través de 32 concelhos. Um minoduto que foi inaugurado em 2014 com todas as garantias de seguridade; quanto menos coas mesmas que hoje pretendem vender-nos a extraçom de cobre da minaria Cobre San Rafael em Touro-O Pino.

Mércores 14 ás 19:00′ no C.S. Fontiñas Apresentaçom Documentário “Touro O Pino, A ameaza do cobre”

Será este vindeiro mércores (4ª feira) ás 19.00 no Centro Sociocultural de Fontiñas (r/Berlín 13) quando membros de Tingaralanga Audiovisual e Nós Televisión apresentarám este trabalho audiovisual autoria de Xosé Antón Bocixa e produzido com urgência que convida a reflexionar sobre o projeto mineiro em Touro O Pino. Tamém haverá um Debate no que participarám diversas pessoas afetadas polos intereses economicistas de quem quere reativar este engendro mineiro, do que só se beneficiariam intereses estranhos á nossa terra, e causariam graves danos ao nosso ecosistema e consequências fatais para a vizinhança da zona.

Nom á mina de Touro o Pino!!

Acá tendes, para abrir boca, olhos e ouvidos, o teaser do documentário: