Arquivo da categoria: convocatórias

Trailer do documentário da COPEL e recordatório dos passes de HOJE em COMPOS e AMANHÃ em LUGO

Uma vez apresentado, com bo sucesso, o documentário da COPEL no Ateneo Libertario Xosé Tarrío de A Corunha, chegou-me via correio o “trailer” ou “teaser” (*) do mesmo, ao que lhe dou pulo imediato ao tempo que lembro as vindouras convocatória dos passes programados até agora na Galiza, nas cidades de Compostela nesta vindoura 5ª feira (joves) dia 14 ás 20:00′ no CS do Sar e mais Lugo ao dia seguinte, (6ª feira) venres 15 ás 20:30′ no Ateneo Libertario A Engranaxe
A NOM PERDER!!! Continuar lendo

Anúncios

Chamamento anárquico desde Chile: “Por um Dezembro Negro!!

Recolho e colo da Agência de Notícias Anarquistas-ANA:

Com o anárquico Sebastián Oversluij na memória, a quatro anos de sua morte em combate no Chile em meio de uma tentativa de expropriaçom bancária em dezembro de 2013.

Com o coraçom inchado recordando o companheiro anarquista Alexandros Grigoropoulos, a sete anos de ser assassinado em Exarchia, Grécia, polas balas da polícia em 2008.

Por um Dezembro Negro!

Enquanto o totalitarismo democrático e civilizado avança expandindo seus mecanismos de controle e vigilância, devastando territórios naturais, atacando espaços liberados e implementando a caça de insurgentes em todo o mundo, impondo castigos, prisom e longas condenas contra as inimigas da dominaçom.
Continuar lendo

Dia 16 ás 18 hs Xornada LUMPEM RAPPER no CSA do Sar (Compostela) em solidariedade encausadas Escárnio

Colo a informaçom (mantendo a normativa) desta moi animada convocatória que me remitirom desde o coletivo organizador do evento, o Hip Hop Ateneu de Compostela.
O vindeiro sábado 16 de decembro o colectivo Hip Hop Ateneu organiza unha Xornada Lumpen Rapper solidaria coas persoas encausadas no proceso represivo contra o CSO Escárnio e Maldizer.
Continuar lendo

[Atualizaçom] Estrea na Galiza do Documentário “COPEL: Uma História de Rebeldia e Dignidade” – Dias 9 na Corunha, 14 em Compostela e 15 em Lugo


O Ateneo Libertario “Xosé Tarrío” de A Corunha (dia 9 ás 19 hs), o CSA de Sar de Compostela (dia 14 ás 20 hs) e mais o Ateneo Libertario “A Engranaxe” de Lugo (dia 15 ás 20:30′ hs) serám os cenários escolhidos para a estrea e apresentaçom deste moi interesante documentário na Galiza. Nas apresentaçons estará presente algum dos participantes que colabouraram na elaboraçom deste filme que, por fim e depois de 13 anos de árduos trabalhos, está rematado e já se está a projetar em diferentes espaços alternativos do território do estado espanhol.

No filme cónta-se a história da COPEL (COrdinadora de Presos Em Luita), desse coletivo dos presos comuns que, durante a “Transaçom á Democracia”, decidiram luitar pola sua liberdade em demanda da ampliaçom da amnistia para todas as presas -e nom só para as consideradas presas políticas-  dado que estas presas, denominadas sociais, consideravam-se tamém presas políticas do Franquismo e de ai jurdeu o emprendemento duma luita coletiva para fazer pressom sobre o governo do Estado recém saido da Ditadura. Uma história de auto-organizaçom na que as pessoas presas mantiveram suas práticas mais eficientes para acadar seu fim mais desejado, a sua liberdade.
Continuar lendo

Sábado 2 – Jornada Solidária frente á Repressom Policial no CS A Gentalha do Pichel

Colo o cartaz desta Jornada na que os quartos recaudados irám para sufragar os gastos da defessa das pessoas encausadas a raiz da frustrada okupaçom do antigo colégio Peleteiro e mais para o pago das multas impostas por se manifestar nesse dia e por receber dos impositores da lei, uniformados ou de camuflagem, umas boas doses da sua “democracia a la española”. Será este vindouro sábado, em sessons de manhã, tarde e noite, e como colofom das Jornadas Antirrepressivas organizadas desde os Centros Sociais de Compostela e que estám a ter lugar desde o 21 de novembro nesta cidade (podedes consultar acá as atividades programadas).
Continuar lendo

Luns, 2ª feira, 27 nov as 9hs. nos Julgados de Fontinhas- Concentraçom Solidária diante juízo a 12 estudantes da USC

Em tal data dará começo o juízo criminal contra 12 estudantes denunciadas por irrumpir em 14 de março de 2013 no Conselho de Governo da USC quando protestavam, junto a muitas outras, contra os recortes na educaçom do Governo do PP. Tras 4 anos e médio agardando, e sem saber índa bem a que supostos delitos se enfrontam, em 27 e 29 de novembro e 1 de dezembro, terám que comparecer nos julgados de Fontinhas para assistir ás sessons deste juízo no que se quere criminalizar, uma vez mais, á joventude rebelde que protesta.

Tal como já contei noutra entrada recém desta minha bitácora o governo da USC, e seu representante supremo, nosso egrégio reitor, nom dúvida em criminalizar uma luita justa á vez que ámpara a profissorado com atitudes misógenas, homófobas e/ou violentas.

Para amosar a solidariedade com as represaliadas convocam desde a plataforma “Nom à Repressom na USC” á Concentraçom que decorrerá em 27 de Novembro, 2ª feira, desde as 9 hs. diante dos Julgados de Fontinhas de Compostela.

APOIA, ACODE, DIFUNDE!!!!!