Amnistia Fiscal de Montoro – Choio para amiguetes riquinhos??

Umha vez confirmada que a Amnistia Fiscal de 2012 de Montoro vem de ser anulada polo Tribunal Constituiçonal espanhol por inconstituiçonal e por legitimar o fraude. E umha vez que a sentência sinala que a amnistia “vem legitimar como opçom válida a conduta de quem, de forma insolidária, incumprirom seu dever de tributar de acordo coa sua capacidade económica, e vírom-se numha situaçom mais favorável que a de quem cumpriram no seu prazo suas obrigas contribuitivas”.

Tendo em conta isso e sobretudo o matiz de que, pese tudo, o T.C. avala e dá por boas as declaraçons feitas polos mais de 31.000 defraudadores beneficiados dessa amnistia de 2012 que permitiu-lhes regularizar o dinheiro evadido pagando só o 3% do total das quantidades eludidas e sem intereses de demora, nem recargos adicionais, nem investigaçons penais, a jogada de Montoro só pode ser considerada como um exitaço para os seus. Visto o visto, agora fontes jornalísticas de prestigio (ver foto adjunta) sinalam que Cristobal Montoro prepara umha outra Amnistia Fiscal para resarcir de danos aos seus amigos e a quantidade de famosos que se estám descobrindo nos últimos anos como defraudadores de muitos milhons. A publicaçom da lista de afortunados é aguardada com ilusom polos proprietários das grandes fortunas, com essa mesma fantasia de quando crianças esperavam a chegada dos regalos dos reises magos e papa noel.

Para desmemoriadas colo acá o vídeo gravado quando fora anunciada por Rajoy e Montoro a 1ª Amnistia Fiscal; se bem as nossas fontes já nos avissarom de que a 2ª promete ser muito milhor preparada e mais abondosa e generosa, de tal jeito que quando o T.C. nom tenha umha outra que declara-la tamém nula poderá avalar as novas declaraçons que, nesta volta, só vam ter que pagar menos do 1% do roubado:

“Guiom para banda desenhada, se quadra…” Meu aporte á Revista Abordaxe nº6. Já nas ruas!!!!:

As minhas compas de Abordaxe! já figerom público no seu blogue (acá) a saida ás ruas do último número da revista em formato papel, o nº 6!!, na sua entrada tendes acesso ao texto editorial e mais ao índice dos contidos e os modos de fazer-se com um ejemplar (com os pontos de distribuiçom gratuita) e mesmo umha sua ligaçom para poder lê-lo ou imprimi-lo em formato pdf. Desde acá vos convido a vissitar seu blogue para saber mais, da revista e do que quiger. Mas tamém fago público acá, agora que já está editado e publicado, o meu aporte para este número:

Guiom para banda desenhada, se quadra…

Día: 6 de janeiro de 2048 (Ano100000000000 no calendário binário )
Hora do vermut
Lugar: Compostela (pode ser adaptado para qualquer outra cidade do mundo)

Cena 1 a representar em vários quadrinhos segundo avança a conversa (os pitidos do telemóveis podem dar o passo dum a outro):

Mesa baixa bar Medusa, um home e umha mulher conversam sentadas em torno a uns copos médio cheios (ou médio vazios), cada quem tem nas suas mãos os seus telefones móveis última geraçom (nota para desenhadora: umha delas, a tua eleiçom, tem o tegrado configurado para pessoas esquerdeiras) e a carom de cada quem há umha especie de casco de moto com patas, as suas roupas nom difirem muito das que usam agora a gente “guapa” porque léva-se a moda retro do ano 2015: Nos planos dos sucessivos quadrinhos da sequência pode haver distintos enfoques; nalgum vem-se umhas mãos mecánicas sobre a barra, desde dentro, em atitude de preparar um coquetel.  Nom se vê nenhuma outra pessoa humana no local.

 Diálogo:

Sábado 27 em Compostela “Dupla Jornada de Hip-Hop: FURNIER & LA ISLA DEL TESORO APRESENTAM…”

Meu bo amigo Adri, “Furnier”, nom para de argalhar atividades diversas co galho de dar a conhecer o verdadeiro mundo do Hip-Hop, esse que nasceu nas ruas como movemento rebelde e que como tal tem que seguir por muito que alguns interesados no dinheiro pretendam fazer delo um simple negócio e desvirtuem sua história e sua essência.

Assim no Sábado 27, tal como me fijo chegar num seu correio, “Furnier” junto a “La Isla del Tesoro”, convidam a umha jornada de projeçons e música ao vivo coa seguinte programaçom e lugares de desfrute:

-Ás 20:00h no local “EL TESORO SHOP” (rua Poza de Bar nº3) Apresentaçom do videoclip “HAROLD SMITH” de FURNIER e da entrevista com LA ISLA DEL TESORO, ambas realizadas por SHIR-KHAN FILMS.

-ÁS 22:30h na Taberna “O’ POZO” (Ruela das Ánimas nº1) Atuaçons de:
FURNIER & LAROCK (showcase)
DJ LA ISLA DEL TESORO

“O «H» apenas umha letra diacrítica com espíritu de crítica”.- Meu contributo ao “Boletín Abordaxe” nº 19 do mês de maio

As compas de “Abordaxe” pedíram-me se poderia escrever algo relacionado coa data da festividade das “Letras Galegas” porque pensavam adicar-lhe á temática da língua o nº deste mês de maio, misturado com a outra data sinalada neste mês: o 1º de maio em homenagem aos anarquistas assassinados em Chicago em 1891. Agora venhem de tira-lo do prelo e faze-lo público no seu blogue (para sua leitura, descárrega e distribuiçom, clicade acá). Eu colo acá o artigo que, com o título do cabeçalho desta entrada na minha bitácora, escrevim para a coluna “Vento de Través” da sua contracapa e o acompanho do genail desenho de Mincinho para o Portal Galego da Língua. Sinalar que as compas de Abordaxe tamém dam pulo neste seu Boletín nº 19 á minha resenha sobre a nova ferramenta subversiva, contrainformativa e anarquista galega “A Irmandade da Costa” colo tamém ao final o sumário:
O «H» apenas umha letra diacrítica com espíritu de crítica.

Digeróm-me de escrever algo sobre as letras galegas e mirei de gabar aquelas que fam do meu galego, umha língua peculiar ; aquelas com som ou sons que dam razom a quem avogamos pola reintegraçom, porque abrangem a nossa peculiar fonética (essa que nos fai diferentes no falar índa que empreguedes um idioma alheio). Mas acho que é um tema abondo tratado por lingüistas que conhecem muito milhor do que eu essas «peculiaridades», assim que optei por falar do «H» (“agá”), do que damos em dizer que é umha letra muda, se bem -como aponta o Doutor brasileiro Simônides Bacelar na sua Palestra «Aspectos correntes em terminologia médica»– falar de «H» mudo é  questionável, pois mudo é quem nom fala, e prefire falar dele como «nom vocalizado».

Hábitos de Leitura versus Estupidez

 “En el otoño del 98, en pleno centro de Buenos Aires, un transeúnte distraído fue aplastado por un autobús. La víctima venía cruzando la calle, mientras hablaba por un teléfono celular. ¿Mientras hablaba? Mientras que hacia como que hablaba: el teléfono era de juguete”.
Eduardo Galeano “Patas Arriba. La Escuela Del Mundo Al Revés”

Havia bem tempo que nom via umha cena como a que acabo de viver: Um home novo ia caminhando a modinho polo campus e ia lendo um… LIVRO de papel !!!!

E nom, nom era um livro de texto (nas épocas de exámes índa podes vêr gente moça polo campus botando as últimas olhadas aos livros de texto denantes entrar nas aulas), senom umha NOVELA !!!!

E além era humano, pois erguia sua cabeça de quando em vez por ver de nom tropeçar com ninguém na sua boa andança literária!!!

“A liberdade nom tem tratos coa justiça, que nom te confundam” – Contributo na coluna “Vento de Través” do Boletín Abordaxe de abril de 2017

Como já vem sendo habitual fago público agora, nesta minha bitácora, o meu contributo na coluna “Vento de Través” do mensuário de papel “Boletín Abordaxe” umha vez que já saiu do prelo e anda em circulaçom por centros sociais e outros locais (e tamém publicado no seu blogue em formato eletrónico para facilitar sua impresom e distribuiçom [descárregar pdf AQUÍ]). Além, umha vez mais, as minhas compas piratas recolhem, neste seu “Boletín” nº 18 de abril de 2017, até 3 artigos da minha autoria que já publicara neste meu blogue: O da capa principal “Resposta do CSO A Insumisa ao ataque orquestrado em “La Coz””, ainda que neste caso eu limitei-me a recolher as opinions da gente do CSO A Insumisa e fazer um breve introdutório; o artigo de opiniom “Tinha que dize-lo!!” a respeito do mal chamado “Bosque de Galicia” desenhado por umha paisagista que estám a construir nas ladeiras do “Mausoleu de Fraga” no monte Gaias: e o 3º “Realidade ou ficçom: O elenco da obra do Mago de Oz em busca e captura por humilhar ás vítimas do terrorismo” onde fago um ejércicio fantasioso em referência a perseguiçom do T.O.P. (digo da A.N.) das pessoas que nom dignificamos a morte de assassinos fascistas.

E sem mais colo acá o meu contributo, que em certo modo encadea com o anterior, onde escrevo minhas reflexons ao respeito da teima reformista em reclamar, da (in-)justiça capitalista, o mesmo trato condenatório para com qualquer pessoa, só polo que pensa e/ou escreve, e com independência da sua ideologia:

“A liberdade nom tem tratos coa justiça, que nom te confundam”

Día 5 ás 20:30′ Abordaxe! apresenta no CSOA Escárnio: Jornada pola autogestom da nossa revista

As minhas compas de Abordaxe levam tempo argalhando atividades lúdica-culturais e de pensamento e debate co galho de recaudar dinheiros para a tiragem do novo número da revista em papel, que fará o nº 6. Colo acá o cartaz e o programa desta jornada que recolho do blogue de Abordaxe e publico parea ajudar a dar-lhe pulo:
O próximo mércores 5 de abril a partir das 20:30H, o nosso coletivo de pirateria informativa convoca umha jornada no CSOA Escárnio e Maldizer, em Compostela (r/Algalia de Arriba 11, Zona Velha).

A atividade começará