E a procissom da Santa Cona saiu ás ruas da Corunha.

Dias atrás soubem da decisom da Audiência de Sevilla de reabrir a causa contra quatro mulheres por participar na procissom do ‘Santísimo Coño Insumiso’ em 1 de maio de 2014, umha marcha que co galho de tal data fora convocada pola CGT e a que se sumaram a comparsa de mulheres portando um trono com “a vagina como símbolo da mulher” e em reclamo dos seus direitos laborais. Agora os juízes dim que reabrirom o caso (que já fora arquivado em junho passado) dado que “baixo a liberdade de expressom nom se pode dar abrigo a condutas de ofensa, burla, menosprezo, ameaças e insultos contra pessoas ou grupos ou membros dumha confissom religiosa” e isso pese a que as mulheres declararam que o feito de que algumhas das manifestantes fossem disfarçadas de nazarenas ou com peinetas e mantilhas nom obedecia a burla ou mofa da religiom católica senom que entendem que “era uuma via de lançar sua mensagem feminista”. Vos colo acá um vídeo que da conta delo:
Pouco depois soubem de que moças de A Corunha agrupadas baixo a assinatura “As Conas Insumisas” tiravam um seu comunicado público no que faziam um chamado a participar, em venres 14 de Abril, na “Procissom da Santa Cona” e a server-se das ferramentas possíveis para sacar a Igreja dos nossos úteros e das nossas vidas. Mas na noite do venres 14 foram impossibilitadas a sair por efetivos da polícia que, repartidos pola zona, identificaram a quanta pessoa consideraram sospeitosa de querer participar do protesto em base a que a Delegaçom do governo espanhol o declarara ilegal devido a sua perigosidade (??).

Mas hoje venho de lêr no portal “As Irmandades da Costa” que ao final a “Procissom da Santa Cona” sim tivo feliz sucesso na noite do domingo 16 polas ruas de a Corunha e passo a colar-vos a crónica do seu reporteiro:

A procesión da Santa Cona, tras ser censurada, fai percorrido pola cidade de A Coruña.

O venres 14 de abril varias persoas intentaron sacar a pasear unha vulva xigante de poliespán semellando á Virxe María como símbolo de empoderamento da muller frente a séculos de opresión perpetuados pola Igrexa (entre outras institucións), xa que por moito que intenten convencernos do contrario, este segue sen ser un Estado aconfesional. Por isto, a procesión non ten que interpretarse só como unha queixa á Igrexa, se non tamén ao Estado e o capitalismo que van sempre da man (se non como se explica que a Igrexa leve máis de 150 millóns de euros ó ano só en IRPF).

Pois ben, o pasado venres 14 ás 20:00 na Praza do Obelisco, onde se tiña pensado comezar esta procesión, había varios furgóns de policías e axentes da lei e o orde identificando por doquier ós transeúntes que pasaban por alí e sen deixar sacar o altar coa cona.

Sucedido isto, intentouse saír do Campo da Leña, pero para cando a xente chegou, xa estaban outra vez os corpos represivos do estado dispostos a cargar se fora necesario.

Por isto, tívose que pospoñer ata a noite do domingo: de maneira máis improvisada e, polo tanto, cun menor número de xente, saíron do Campo da Leña a iso das doce e algo varias persoas con capirotes, algunha antorcha e, como non, o altar coa Santa Cona.

Hoube sorte, pois en ningún momento interrumpiu a policía e se cortaron con éxito algunhas rúas como a Rúa Orzán, Santo Tomás ou Panaderas mentres a xente a ámbolos lados da rúa vían a súa noite animada a xulgar polas palmas, risos e coros que facían á procesión, tales como: “fora rosarios, dos nosos ovarios”, “imos queimar a conferencia episcopal por machista e patriarcal” ou míticas cancións da “cona da vella”. Ata chegouse a sumar xente que estaba de festa!”

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s