Arquivo da categoria: criaçom musical

Dia 16 ás 18 hs Xornada LUMPEM RAPPER no CSA do Sar (Compostela) em solidariedade encausadas Escárnio

Colo a informaçom (mantendo a normativa) desta moi animada convocatória que me remitirom desde o coletivo organizador do evento, o Hip Hop Ateneu de Compostela.
O vindeiro sábado 16 de decembro o colectivo Hip Hop Ateneu organiza unha Xornada Lumpen Rapper solidaria coas persoas encausadas no proceso represivo contra o CSO Escárnio e Maldizer.
Continuar lendo

Anúncios

“Happiness” a nova cortametragem animada de Steve Cutts que fai furor na rede

Em maio passado dava pulo nesta minha bitácora á genialidade de Steve Cutts, ilustrador e animador inglês e sua obra “Man”, entrada que intitulei “Escravos da Tecnologia” e que adicava em especial a aquelas pessoas que, abducidas pola tecnologia, nom vêm mais lá dos dois palmos de distância que separa seu olhos do seu telemóvil.

Agora colo acá sua nova obra “Happiness” que, publicado nos canais de vídeo na rede há 5 dias, já supera com creces mais de 1 milhom de vissualizaçons:


Um filme que, em algo mais de 4 minutos, sumariza habilmente os males da nossa sociedade de consumo e do trabalho assalariado: Uma cortametragem encarnada na história da busca implacável dum roedor (humanizado) da sua suposta felicidade e plenitude. Um filme que deveria dar para pensar.
Continuar lendo

Já está disponível na rede o Disco debute de NORTEMPO

Tal como anunciaram há dias -ver acá nesta entrada desta minha bitácora a notícia que colaborei a espalhar- desde o passado venres 24 de novembro já está disponível o trabalho debute de NORTEMPO (equipa formada por Jandro Pérez “Black Dahlia”, Adrián Barros “Naipe” e Kike Porto “Kazike” a cargo das Líricas e Oscar “Selektah” nas Instrumentais).
Vos colo acá este vídeo com a 1ª das 3 cançons produzidas por Vúmetro Récords que venham ser a Carta de Apresentaçom deste Grupo de artistas da contorna de Compostela que todos juntos sumam um feixe de anos no mundo do Hip Hop e da criaçom e atuaçom musical com o Rap como bandeira, e que adianta parte do que será o seu primeiro LP, previsto para o próximo ano 2018. Mentras aguardamos expetantes, desde Nortempo convídam-nos a escutar este trabalho que fica disponível á venda em distintas plataformas ás que teredes acesso a través desta ligaçom: https://lnk.to/nortempoEM Continuar lendo

1º trabalho de “Nortempo”.- Música para quinquis sibaritas desde Galiza

Meu bo amigo Adri, “Naipe”, falou-me nesta finde passada deste novo projeto colectivo do que forma parte e coa mesma mandou-me esta boa nova para ajudar a dar-lhe difusom. Acedo gostoso, desde esta minha humilde bitácora, e vos convido a escuitar e deleitar vossos sentidos como a quem lhe dam um novo doce para provar. Colo acá sua mensagem respeitando sua grafia:

“A Eternidade está namorada das obras do tempo” William Blake

Poderiamos falar sobre a velocidade á que se executa unha peza musical, sobre o clima do norte ibérico e a súa atmosfera “rururbana”, sobre a supervivencia e a mala vida nos baixos fondos, ou mesmo sobre a música quinqui na sociedade postindustrial…

O vindeiro venres 24 de novembro sae á luz o primeiro traballo de Nortempo, dispoñible á venda en varias plataformas dixitais. De momento, xa podes visualizar este Teaser/Making Off como adianto:
Continuar lendo

Novo Vídeo de Keltoi! “Burla Negra” – Tema sobre Benito Soto, último pirata galego e seu bergantim. Vídeo

Colo quanto contam Keltoi! ao respeito deste vídeo que colgarom ontem na rede:

No seu día e baseándonos nunha idea orixinal do compañeiro David Falperry, parimos un tema que lembra a figura do último pirata galego, Benito Soto Aboal (Moureira/Pontevedra 1805 – Xibraltar 1830) e ao seu bergantín “Burla Negra”. Hai pouco decidimos poñerlle imaxes, e o bo do Mikele currouse unha superproducción digna de Bollywood…A ver se vos gusta. Saúde!: Vos colo a continuaçom a Letra e mais os dados do grupo, do tema e do vídeo
Continuar lendo

“ESPAÑA ES FALSA” Videoclip de Samyone

Recolho da rede este vídeo autoria do rapero Samy X colgado na plataforma de youtube; ao qual cheguei ao recolher críticas ao dia da hispanidade (tamém chamado dia da raza polos fascistas), num seu comentário ao texto-mensagem publicado por Kaire Banish (que vos colo traduzidos junto á imagem que acompanha ao texto, de seguido)
Mensagem para gente que di que o colonialismo rematou x Kaire Banish:
Continuar lendo

21-23 Julho – “Corme Folki 2017” – Um foco de Cultura do povo

Outro ano mais, coa mesma energiaa dos anos anteriores na Noite de Encantos da Furna. A boa música achegára-se a Corme da mão do CORME FOLKI para seguir demostrando que somos donas da nossa cultura e da nossa festa, que nas nossas mãos está criar umha alternativa real á cultura oficial das grandes orquestras e dos grandes grupos com cachê.

Continuamos a crer que a cultura nom é un negocio, que a nossa música nom precisa de miles de euros para expressar-se.

Um pouco de história

Difícil falar em poucas linhas do que entre todas criamos nestas case duas décadas de projetos autogeridos e sem ánimo de lucro na vila de Corme.

Isto começou no século passado, ano 1999, quando as primeiras notas amplificadas soaram na Furna do Osmo. E agora 18 anos depois nom soarám notas amplificadas na Furna, mais a festa, os Encantos e a música tradicional estarám presentes nela na noite do venres 21 de julho com um espetáculo de foliada, percussom e dança. Na Furna nasceu tudo e ainda que os concertos da noite do sábado 22 vaiam ser na Praça da Ribeira, na noite do 21 desfrutaremos de boa música regada dumha queimada.

E como nom o Sábado 22 de julho a Praça da Ribeira será o lugar de encontro da boa música, circo, títeres, foliada… Cum programa de atividades desde o meio-dia até bem entrada a noite.
Continuar lendo