SUBSOLO RAP FEST VII Edición – Venres 22 de marzo ás 21:00h no Moon Music Club – 4 propostas por só 5 €

Recebo e dou pulo a esta info do Subsolo Rap Festival, “un festival independente localizado na cidade de Compostela. O obxectivo deste evento ademais da difusión dos artistas que nel participan, é xerar un espazo-tempo de encontro para a escena underground do rap e das distintas músicas urbanas na Galiza e o resto da Península Ibérica, así como aportar ao circuito cultural de Compostela un festival alonxado do mainstream e as radiofórmulas habituais. Este proxecto naceu en marzo do 2009 e desde entón xa temos realizado 6 edicións de maneira intermitente en distintas salas da cidade, contando con artistas tanto do estado español como do portugués, pero principalmente da Galiza”.

Nesta VII edición o Subsolo Rap Fest cumpre 10 anos. Unha década tentando visibilizar proxectos musicais á marxe de dogmas e tendencias impostadas. O vindeiro venres 22 de marzo queremos celebralo con todas vós nun evento no que contaremos cun cartel ecléctico composto por 4 propostas emerxentes da escena musical urbana. O evento terá lugar ás 21:00h no Moon Music Club (rúa República Argentina/35 – Compostela).

“ANTIPERSONA” 1º LP de “Tempo Norte” já disponível para sua descarrega na rede

Dou pulo ao correio do meu bo amigo Adri, um dos componentes de Tempo Norte, que venhem de apresentar na Sala Moon de Compostela este seu primeiro disco de longa duraçom (LP), espectáculo que este gajeiro perdeu-se por nom ter o dom da ubiquidade e estar nessa data a algo mais de 1000 kms de distância física; se bem moi perto no meu coraçom.

Tempo Norte, para quem ainda nom saiba delas, é uma formaçom recém afincada em Compostela pero, com tudo, seus componentes som músicos experimentados e referentes do underground galego desde tempo atrás. O projeto nasceu na primavera de 2017, e desde entom a banda já publicara um Maxi/Single que tivo moi boa acolhida; e agora já temos o privilégio de contar com seu LP Antipersona.

Black Dahlia, Kazike y Lil Naipe nas líricas. Óscar Selektah e DJ Tips na produçom e DJ Larock nos scratchs e cuts, apresentam ANTIPERSONA. Este trabalho que tamém conta com as colaboraçons de Crespo, Broder Chegar e Salem Blair, é a primeira referência de longa duraçom de Tempo Norte.

Descarrega ANTIPERSONA aqui

Escuita ANTIPERSONA acá

Novo videoclip de Tempo Norte

Tempo Norte é uma formaçom recéme afincada em Compostela pero, com tudo, os seus componhentes som músicos experimentados e referentes do underground galego desde tempo atrás. Este projeto nasceu na primavera de 2017, e desde entom esta banda já tem publicado um Maxi/Single que tivo moi boa acolhida.

Monkey Business é a cançom do primeiro videoclip de Tempo Norte, que sae como adianto do seu primeiro disco de longa duraçom (LP) Antipersona que, tal como já contei co galho da entrada que publiquei para dar-lhe promoçom á VI ediçom do Subsolo Rap, teremos o privilégio de contar coa sua atuaçom na que apresentarám tal LP, que além anunciam que estará disponível para descarrega na rede em dias vindouros.

SUBSOLO RAP FEST VI EDICIÓN- Venres 18 de maio ás 22:00h no Moon Music Club

Recebo e dou pulo a esta info do Subsolo Rap Festival:

Este ano o festival Subsolo Rap chega cunha proposta variada na que tentaremos dar continuidade á liña que nos define, achegando artistas doutros lugares a Compostela e contando tamén con bandas expoñentes da cidade. O prezo de entrada ao evento é de 5 € e terá lugar o vindeiro venres 18 de maio ás 22:00h no Moon Music Club (rúa República Argentina nº35 – Compostela). Adxuntamos cartaz para súa difusión:
Estes son os artistas que forman o cartel da VI edición:

“Los borbones son unos ladrones”. Resposta do rap estatal á repressom

Recolho (e traduzo) do Mondo Sonoro

Treze nomes da cena autoinculpam-se em “Los borbones son unos ladrones” rapeando alguns dos versos polos que condenarom a cárcere a Valtonyc, Pablo Hasel e La Insurgencia.

Trata-se, mais que nada, de passar á ofensiva. De expôr o ridículo e alarmante duma onda repressiva que pode levar a qualquer -de esquerdas- ao cárcere por uns tuits ou uns versos duma cançom. E fíxo-se em forma de tema e videoclip, protagonizado por nomes tanto veteranos da cena –Frank T, Elphomega ou Rapsusklei– como formaçons emergentes como IRA e Machete en Boca, passando por ZOO, Def Con Dos, Tribade, La Raíz, Homes Llúdriga, Los Chikos del Maíz, Noult e a argentina Sara Hebe. Todas elas rapeam versos próprios e prestados sobre um beat de Juan Pablo Balcazar, Clara Peya, Antonio Torres Vega e Roger Martínez Solé criado para a ocasiom.

Sábado 5 de maio desde as 13:00′ e até que o corpo aguante “I Cantos de Taberna no Barrio de San Pedro”

I CANTOS DE TABERNA NO BARRIO DE SAN PEDRO

Programación:

13:00 – Saída do Cruceiro de San Pedro e percorrido polos bares

15:30 – Xuntanza para xantar, barra e festa rachada na Praza 8 de Marzo

20:00 – Saída de novo de ruta polos bares até que nos aguante o corpo.

PRAZO DE INSCRICIÓN: Até o Luns 23 de Abril
Máximo integrantes por grupo: 10 persoas
Prezo de inscrición: 10€/Grupo (INCLÚE XANTAR E UNHA CONSUMICIÓN POR BAR)

Venres, 6ª feira, 6 Abril ás 19:30′ no CSA do Sar: ANARCONCERTO SOLIDÁRIO coa Editorial ABORDAXE!

Na vindoura 6ª feira, venres 6 de Abril desde a Editorial Anarquista Abordaxe!  celebramos a chegada da primavera cum Anarconcerto como uma das diversas atividades que estamos realizando co fim de recadar quartos para afrontar nosso novo projeto editorial do que, este gajeiro, voltou há uns meses a formar parte da sua tripulaçom:
Nesta jornada musical contaremos com TAIGA DUKHA (Crust desde Vigo); KALI A.K.A. LA NEGRA (Rap desde Lugo); e VERBENA VELUTINA (Punk desde Compostela). E para rematar esta festa primaveral contaremos cuma FOLIADA ABERTA.

Os concertos terám lugar no CSA DO SAR (rua Curros Enríquez nº28) a partir das 19:30h

E para ir abrindo orelhas vos deixo acá com uns vídeos e aúdios dos grupos convidados:

[Lugo] Sábado 3 ás 23:00′ no pub “O Furancho”: Concerto em apoio ao Ateneo Libertario A Engranaxe

Reproduz a informaçom facilitada polo meu amigo Adri, “Furnier”, uma vez mais convidado a este concerto solidário organizado pola Fábrica de Emociones:
Por segundo ano a Fábrica de Emociones convida ao concerto em apoio ao Ateneo Libertario A Engranaxe (Lugo). Nesta segunda ediçom volve estar connosco FURNIER e tamém KALI A.K.A. LA NEGRA. Como novidade este ano contamos com TINTA REBELDE e XTINSON, que realizarám uma atuaçom conjunta.

“HOTEL FURNIER – Remixes & Mashups” – Novo LP com 10 cançons do universo Furnier reinterpretadas

Recebo por correio do meu amigo Adri e colaboro na sua difussom e animo a toda gente a prestar-lhe ouvidos a este novo trabalho coletivo da fatoria Furnier, com acesso livre para sua escuita e descárrega em diferentes plataformas digitais (para aceder a elas desde acá só tendes que clicar em “continuar lendo”) :

Inauguramos o Hotel Furnier, um LP que compila 10 cançons de anteriores discos escolhidas e reinterpretadas por DJ Tips, Lagranuve, Skillful, Sr Arnejo, DJ Paint e Lino Vulcano A.K.A. Bigote Mix.

Este trabalho nom pretende representar um simple exercício de nostálgia, senom profundar no universo criado a través das distintas obras de Furnier para intentar visibiliza-lo num marco mais amplo e eclético que no momento no que as cançons foram criadas. Tráta-se, entroutras cousas, de experimentar cum dos temas mais potentes da arte e da vida, que é o implacável passo do tempo.

Disponível para descárrega livre nas seguintes plataformas:

Recolhida de Sinaturas para “La Insurgencia”. Fronte sua Repressom, Apoio Mútuo

Fago-me eco para ajudar a dar pulo e conseguir mais sinaturas pola liberdade das 12 integrantes do coletivo de rap “La Insurgencia”, condenadas cada quem a 2 anos e 1 dia de prisom e 4800 € de multa, além de 8 anos e 1 dia de inabilitaçom para cárrego público polas letras das suas cançons, porque ao entender dos tribunais espanhois de excepçom, enaltecem o terrorismo (??). Curiosa condena quando há anos que no estado espanhol nom está ativa nenhuma organizaçom armada das que, ao entender de governantes e juízes, som consideradas terroristas, dado que pese a que tanto as nossas forças de (in)seguridade do estado, dentro das nossas fronteiras, como os militares espanhois, em missons humanitárias, causem terror e medo, além de mortes, estas açons nom tenhem tal consideraçom sócial.

Esta é á ligaçom que publicou seu Grupo de Apoio de Vigo, onde estám a recolher as sinaturas.

Vos colo acá a imagem co texto (no seu galego) e mais o vídeo que editarom a finais de outubro passado durante o peche solidário de 12 horas (“12 horas polos 12 da Insurgencia”) em defesa da liberdade de expressom que tivo lugar no bairro vigués de Coia e que recolhe a palestra dum dos seus membros, Saúl (aka Shahid) e mais sua nai Elena.